Transcription
1
Monsieur, je me suis reservé jusques à ceste heure de vous
2
faire entendre que la fortune ma esté sy bonne depuis que
3
suis en ce païs, que je naye heu resentiment de ma maladye
4
qu’un lequel ma peu duré ; de sorte que me trouvant en ce
5
temps de carnaval sy près de Venise, nay osé faillyr me
6
transporter jusques là, tant pour veoir notre ambassadeur
7
que aussy pour y remarquer une infinité de bien que je
8vous en ay ouy dire. Jay occasion davouer quil y a [barré : une infinité de ] plusieurs
9
choses rares et principalement de belles femmes, et à bon
10
marché. Vous pouvez croire asseurement que ce na poinct
11
esté sans vous en souhaicter quelqu’une, de laquelle jespere
12
quelque jour vous monstrer le portraict. Toutesfoys je n’y
13
ay gueres peu sesiourner pour ce voyage, desirant cy revenir
14
trouver le Flamand en ceste vylle pour noblier ce peu que
15
javois jà apprins de luy et sy quelque aultre occasion ne
16
men distraict, je suis deliberé y passer quelque temps pour
17
croyre ledict flamand [ajouté : estre] homme rare de son mestyer. Cependant
18
je vous supplieray me continuer en voz bonnes graces, et vous
19
servir de moy en ce que vous cognoistrez que jauray
20
le moien, à quoy me cognoistrez tousiours daussy bonne
21
volonté que je prie à Notre Seigneur
22
monsieur, vous donner très heureuse et longue vye. À
23
Padoua, ce premier de mars 1574
24
Votre plus affectioné serviteur
25
Bressieus.
26
27